Ibitaro by’Akarere bya Nyagatare byazirikanye umunsi mpuzamahanga w’umutekano w’abarwayi uba buri mwaka ku wa 17 Nzeri. Insangamatsiko yuyu mwaka  yari “kubungabunga ubuzima bw’umubyeyi n’ubw’umwan”.

Mu muhango wabereye mu bitaro bya Nyagatare hakozwe ibikorwa bitandukanye bigamije kwereka abarwayi n’abarwaza ubumuntu. Ibitabiriye uyu munsi mpuzamahanga w’umutekano w’abarwayi bitanze inkunga ingana n’amafaranga y’uRwanda ibihumbi 203,750 rwf , aya mafaranga azifashishwa mu kugaburira abarwayi bagana ibitaro bya Nygatare batishoboye harimo abadafite ababagemurira n’abadafite ubwishingizi bwa mitiwele.

Uyu munsi hari amatsinda  n’abandi bantu ku giti cyabo batekereje cyane ku barwayi barwariye mu bitaro bya Nyagatare , bazanira abarwayi n’abarwaza ,imbuto, ibiryo bitetse n’ibibisi n’ibinyobwa (igikoma,jus,amata). Igikorwa cy’urukundo cyo kugaburira abarwayi cyayoboye  n'Umuyobozi wungirije w'Akarere ka Nyagatare ushinzwe imibereho myiza y'abaturage, Murekatete Juliet ari kumwe n'abandi bayobozi bakuru b’ibitaro bya Nyagatare.

Umuyobozi wungirije w'Akarere ka Nyagatare ushinzwe imibereho myiza y'abaturage, Murekatete Juliet yashimiye Ibitaro bya Nyagatare ku mwanya baha abarwayi n’uburyo babafasha kugirango imibereho myiza y’abarwayi ikomeze kuzamuka kandi yanashimye abagiraneza baje mu kwizihiza umunsi mpuzamahanga w’umutekano w’abarwayi.

Manirafasha Martin wavuze ahagarariye abarwayi yashimye service nziza abarwayi bahabwa mu bitaro bya Nyagatare byumwihariko umunsi we yise uwo kugaburira abarwayi no kubafasha (Umunsi mpuzamahanaga w’umutekano w’abarwayi)

Uwamahoro Dorcas wavuze mu ijwi ry’abagiraneza yashimangiyeko ukuboko gutanga ariko kwakira ndetse ahamagarira abandi bantu bose babishaka kandi bafite umutima wo gufasha kugenda begera ababaye cyane cyane mu bitaro. Yavuze ko imiti ikora neza iyo umurwayi abonye n’umwereka urukundo.

Ababaye indashyikirwa mu bikorwa by’urukundo mu bitaro bya Nyagatare bahawe ibyemezo by’Ishimwe

Gahongayire Scovia ni umwe mu bagore benshi bahawe icyemezo cy'ishimwe mu bikorwa by'urukundo

Abakobwa biga muri Kaminuza y'urwanda baba mu itsinda ryitwa FAWE@MCF Scholors of Nyagatare Compus nabo bahawe icyemezo cy'ishimwe

Uyu munsi abagiraneza batanze inkunga y’ibikoresho by’isuku n’ibiribwa byo guteka bifite agaciro k’amafaranga y’uRwanda ibihumbi 72,700 frw.

Umunsi mpuzamahanga w’umutekano w’abarwayi washyizweho n’Inteko ya 72 y’ubuzima ku isi, muri Gicurasi 2019, hafatwa icyemezo cyerekeye 'Igikorwa cy’isi ku mutekano w’abarwayi', kandi cyemeza ko uwo munsi uzajya wizihizwa buri mwaka ku ya 17 Nzeri, rwatangiriye i Londres mu mwaka wa 2016.

Amashusho yuko byagenze

Umuyobozi wungirije w'Akarere ka Nyagatare ushinzwe imibereho myiza y'abaturage, Murekatete Juliet niwe wari umushyitsi mukuru

RRA ishami rya Nyagatare nabo bashimiwe

Habayeho ibihe bidasanzwe ku bantu bose byo gusengera ababaye ku isi hose

Chorale yasusurukije abarwayi irimba indirmbo z'ihumure

Abantu bari bicaye hubahirijwe amabwiriza yo kwirinda COVID 19

Abagiraneza baje bahagarariye abandi bashimiye ibitaro bya Nyagatare iki gikorwa cyiza cyo gutekereza ku barwayi

Amatsinda y'abagiraneza yatanze ibikoresho bitandukanye harimo n'iby'isuku

Pastor Uwambaje uhagarariye Church of God niwe wasengeye abarwayi barwariye mu bitaro bya Nyagatare